From web site "Andy Super Mania" by angel 04 Feb 02　 昨天的聚會，華仔未出場時，播了在三個頒獎禮中華仔得獎的片段，我o地就好似現場 聽到華仔得獎咁o既心情睇 TV，每得一個獎，就大叫「華仔、華仔 … 」又拍晒手掌 !! 在台上則放了華仔今年拿的 15 o個獎。華仔出場時，(身穿黑色冷衫，燈芯戎褲， 白波鞋) 大會正播著《嚦咕嚦咕》主題曲，曲是《男兒當自強》，由林夕寫上新詞《男 兒當食南》，華仔也跟住唱，我o地就打拍子，邊拍華仔就叫拍慢o的，唱唔到 ... 之後在場 fans 一齊同華仔講：「嚦咕嚦咕你最好」，華仔聽完就雛晒眉問點解 ，我o地話只係親番套戲囉。開過香檳之後，就係答問環節，過程十分精采好好笑，笑 足全場 - 1小時50分。真係幾難形俾你o地聽，只講重點好了： 1) 華仔：頭先隻歌叫《男兒當食南》 　Fans A：咁女人食乜呀？ 　華仔：我點知女人食乜呀 ... 食當歸呀 ... 女人當食歸 ... 哈哈 ... 女人食當歸 ... 　小朋友：女人當食飯 ... 　華仔：哦 ... 女人當食飯 ... 哈 ... 男人唔使食飯呀 ... 2) 天幕現在籌備中的一套戲叫《金菠蘿》，劉偉強執導，係一套動作片，暑假 　 上影。《藍血人》會在復活節上影。年中會拍一套鬥智片，由杜琪峰執導。 　 《頭文字D》，並不是天幕的戲，現在只是計劃當中，一切都要待定。唱片方 　 面，年中會出國語碟，年尾廣東碟，年尾可能有一個慈善演唱會。 3) 由今年 1月1日開始，華仔會做番自己唱片，不再由NMG付責，公司叫 Multi- 　 Talent。 由於我o地當時o個樣好似唔係咁明佢講乜啦 ... 　 華仔就話：係咪好深?? 　 Fans：係 ... 　 華仔：係囉，好心有好報 4) 演唱會方面，3月會到美加。今年日本沒有演唱會，4月那個是 IBM 的私人聚 　 會，是給 IBM TOP 100 Sales 的聚會。台灣方面，由於還在洽談中，應該會改 　 期至 7 -8 月。中國內地都是在 7 -8 月。 5) 華仔初三去柏林，初八返到香港。前天幫吳君如預錄節目，年初一會播。大 　 家要記住聽《嘩嘩嘩打到o黎》。節目還請了蘇民峰幫華仔算命，蘇話華仔由 　 18 歲開始行運至78歲，我o地就當然拍晒手掌啦！ 　華仔：你o地咁都信呀?? 　 眾fans：信 ... 　 Fans A：唔信 ... 紅到 88 呀 !!　 　 華仔：蘇民峰話我逢 2 或3 尾會特別旺 ... 92、93... 　 Venus：噫，今日係 2 月3 號，你咪好旺 ... 　 華仔：如果要結婚呢 ... 就 6 或7字尾 ... 2006、2007 ... 　 Fans：嘩!! 係 6 月 7 月 呀 ~~~ 6) Fans A：華仔 ... 噫 ! 台上邊無o左 TVB o個獎o既 ... 　 華仔：(望住張台) 有呀 … 呢個咪係囉 ~~ 　 Fans A：又話個獎值38萬o既 ... 　 華仔：佢o地話o者 ... (走向張台，拷下個獎) …噫 …實芯o架喎!! 傳俾你o地 　 睇下喇 ... (真係傳 ... ) 　 華仔：你唔好括(o的金) 呀 ~~~ 7) 有一內地 Fans 問華仔舊年10月有無返新會祭祖，華仔話無。 　 Fans：你可唔可以話俾我知你返幾時返新會，住係邊? 　 華仔：我好少返o架。 　 Fans：我o地無乜機會見到你。 　 華仔：咁我o地搞多o的聚會 。(o個樣都好疑惑) 　 Fans：我o地一年先可以落o黎一個月。 　 (到呢一刻，全場人先知佢係 overseas fans) 　 華仔：我下次返新會，係個網話俾大家知，但係就唔會寫住係邊，你o地撞 　　　　下啦。 　 Fans：上次劉爸去新會 ... 有電視台做訪問。 　 華仔：呀 ... 做訪問 ... 等我返去拷問下佢先得。 　 Fans：劉爸好慈祥 ... 　 華仔：係呀，我阿爸o的『磁場』好勁o架 ... 8) Fans B：喂~ 華仔呀 ... (全場笑， 因為好似講電話咁，先喂~) 　 華仔：(倒轉o個咪，扮電話聽筒) 喂~ 　 Fans B：喂~ 華仔呀 ... (全場再笑) 　 Fans B：喂~ 華仔呀 ... (華仔當時笑到"人仰馬翻") 　 華仔答過問題後 (我都唔記得佢問乜) 就話：喂~ 斷線 ... 我最唔鐘意d 人 cup 　 我線! 9) Fans B 錯誤地將「嚦咕嚦咕」講成 「咕嚕咕嚕」。 　 華仔：呀...《咕嚕咕嚕新年肉》 　 Fans B：我記錯你鐘意食咕嚕肉嘛。 10) 眾Fans：華仔要派利是 ... 　 華仔：點解要派 ... 我都未結婚 ... 我無o架喎 ... 你o地問下嘉莉、阿 Paul、Maggie，我有無俾利是。 　 Fans：你係老闆喎 ... 　 華仔：你o地又唔係同我打工 ... 　 Fans：係o架 ... 　 華仔： 乜你o地係過程中無得過小小歡樂咩 ~~ 　 另一fans：華仔你封利是，唔一定要係錢，可以寫o的o野俾我o地。 　 華仔：寫 「財神」咁呀 ... 影印得唔得 ... 　 Fans：唔得 ~~~~ 11) 華仔話試下影新屋 video 俾我o地睇。 12) 華仔應 Fans 要求，扮多次金魚 ... 好好好笑!! 13) Fans：(坐係度問問題) 華仔 ... 　 華仔見唔到佢，望o左去後邊 ... (全場笑) 　 華仔：呀~ 我可以好肯定證明你瘦o左 ... 　 又另一 Fans：華仔 ... (華仔轉頭, 望住 Venus，以為Venus 叫佢) ... (全場又大笑) 14) 臨完場時，再播得獎片段，華仔同我o地一齊再睇。最後係傳媒大獎，Fans們 　 立即諗起華仔未唱《永遠記得你》。 　 華仔：我成日都唱俾你o地聽，我本來係諗住唱俾工作人員聽 ... 唔通我要開會叫齊所有人話唱歌俾佢o地聽咩 ....... 只想吸多一些新鮮空氣 ... (清唱一段) ~ The End ~ -- ▌ ▁▌ ▌▁ ▌|情報員標號: 140.116.24.201 |局中| ◤ ▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣