戀　　　　　　　　　　　　　　林沈默 　　　有一種戀， 　　　毋管生老病死， 　　　對一支小雨傘， 　　　追來到一隻輪椅。 　有一款情， 　毋驚山崩地裂， 　對一○一大樓， 　牽去到盤古開天。 　愛花，毋是貪花開。 　疼花，毋是貪花媠。 　愛妳嬌滴滴、 　愛妳流鼻水。 　愛妳溫柔伶俐， 　嘛愛妳喙仔翹翹無講理。 　愛妳日艷天、 　愛妳月暗暝。 　愛妳紅膏赤脂， 　嘛愛妳頭毛白白落雪時。 　黃黃疊青青， 　戀戀也緜緜。 　等候有一日， 　妳若食到一百二， 　花蕊礁礁留遺記， 　芳魂飄飄做仙去。 　我猶原挺妳， 　抱妳佇樹尾頂坐大位， 　向天，參拜萬年相思。 　我猶原挺妳， 　向天，參拜萬年相思。 　後記：冬日午後，過彰化某安養院，目睹花期已過的台灣欒樹，繁華落盡，但花謝 不離枝，綠葉猶托著枯黃之花，仰天搖舞。樹旁，巧遇一耄耋老翁推著輪椅，偕老伴晒太 陽，不棄不離，乃有感而發。台音義注：毋（m4）管：不管。◆（sui）：美麗的樣子。 喙（tshui）仔：小嘴巴。日艷天、月暗暝：喻人生遭遇的盛與衰對比。紅膏赤脂（tsi） ：紅光滿面，喻身強體健。疊（tha3）：由上而下覆蓋。食（tsa4）到：活到……。花蕊 礁礁（ta-ta），指乾枯的花屍。芳（hon）魂：花魂。 --

※ 發信站: 批踢踢實業坊(ptt.cc) ◆ From: 140.114.34.117