情详道：刘德华忘情不说爱 「如何面对，曾一起走过的日子？」刘德华《一起走过的日子》歌词耳熟能详，不过他去 年与太太朱丽倩执手走过的下半年却特别难捱，因为两人的婚书曝光，多年不认的结婚传 闻，终以世纪拖手承认了一切。 踏入 2010年，华仔总算走过了他的黑暗时代，口里说过去由他过去，可是备受千夫所指 的同时，也令华仔不禁迷惘：「呢件事上面（指结婚），已经唔系出於关心，点解会有人 咁话你，估唔到有啲人会咁睇我。」今後他选择继续少说话多做事，只要太太知道他的好 便足够。 撰文：胡比 去年一个丧礼，揭开了刘德华保守多年的秘密，也令默默跟随他多年的女朋友朱丽倩被迫 高调曝光。因为女方父亲的离世，为一尽孝道，华仔陪女友前往马来西亚奔丧，消息曝光 後，华仔选择拖着朱丽倩回港，以行动落实二人关系，其後被本报踢爆二人於前年 6月在 拉斯维加斯注册结婚，女友早已升呢为妻子，从未承认结婚的华仔随即成为众矢之的。 性格使然　避谈爱妻 其後华仔在网志撰文向歌迷道歉，并承认已婚，更表示一直渴望拥有小孩，之後只公开过 一次承认已婚，再被问到太太的事，华仔都三缄其口，默默工作，重过「牛华」生活。 踏入 2010年，要华仔对 09年来一个总结，他日前接受本报记者专访说：「都已经过咗去 ，唔想再谂，要谂只系想知道去年得到啲乜嘢，但谂吓谂吓又觉得好似冇乜得到过。」 被踢爆结婚後，当时的他显得很憔悴，到底华仔当时内心有甚麽感受，是否感到很困扰？ 华仔坦言：「当时嘅心情，我自己去感受就够，唔需要去讲，我知有人会好担心我，我可 以同大家讲我 OK，困唔困扰都过咗去，唔想将呢段心情同大家分享，自己心里知道件事系 乜嘢就得。」可有一刻感觉寃屈？他说：「曾经有段时间我问自己，我以前系点对人，人 哋又点对我呢？究竟对人应该要用乜嘢态度呢？呢件事上面（指结婚），已经唔系出於关 心，点解会有人咁话你，估唔到有啲人会咁睇我，只可以话件事发生後，其实系透过大家 更认清自己，令我更了解自己，都系好正面嘅。」 其实华仔与朱丽倩拍拖多年，早已是圈中公开的秘密，只是华仔从未承认，就算现在已经 结婚，被问起太太，他都不欲多谈。 婚书曝光後，朱丽倩对华仔来说是否仍是一个禁忌？他苦思良久後说：「点讲好呢？应该 系话，我嘅生活本来就有好多人都好清楚，以前系点生活，我 家仍然系咁生活，人哋接 受唔接受，我冇办法，我一向都唔提（朱丽倩），往後嘅日子都唔会提，唔系我要隐瞒， 呢个系我性格。」经历过後，华仔是否更加保护自己？他说：「唔系话要保护自己，系因 为我未来嘅生活同以前生活都系一样，一向对於私人问题，我都系嘻嘻笑住带过，我会同 朋友、歌迷分享我嘅生活，佢哋知道就得。」 入行多年的华仔，遇过无数难题，这次事件又是否他入行以来最棘手的事？他却说：「我 都唔知，我冇谂过要点处理，如果要谂点处理，只会成为我生命嘅绊脚石，我只会谂我嘅 生活，条路要点行，我冇处理过，只系面对，我冇谂办法处理件事，只系觉得件事会完， 就顺其自然畀件事过去。」对於渴望拥有小朋友一事，华仔选择守口如瓶，保留私隐。 两年三戏　陪伴家人 华仔出名勤力如牛，所以得到「牛华」称号，勤力之外他还出名孝顺，因为华仔父亲早年 曾动过大手术，令他更珍惜与家人相聚的时间，所以牛华决定尝试不再牛华，两年只接三 部戏，争取更多时间陪家人，也希望提高自己电影的质素。那他可曾想过退出幕前或索性 退休？华仔坦言：「冇谂过要退休喎，都冇谂过唔做幕前，最多都系接少啲戏，保证到质 素。」华仔依然抱着永不言休的宗旨，牛华始终都系牛华。 王晶：香港都可拍科幻片 刘德华一直与王晶合作无间，各类型片种也试过，不过两人对上一次合作已是 99年《赌 侠大战拉斯维加斯》，今次两人再次携手拍摄新片《未来警察》，电影将於下月 25日上 映。这次驱使两人再度合作，全因一个信念：香港人都可以拍出科幻电影。 王晶说：「科幻题材一向都畀人抱唔乐观嘅态度，但系我就一直都唔放弃，好想拍呢类片 种，我觉得今次呢部戏都几唔王晶，有别於以往我拍嘅搞笑片。」正在上映的《阿凡达》 （ Avatar）刚巧又是科幻特技片，难免会被人比较，王晶说：「唔可以咁比，要睇吓大 家要求系乜嘢水平，好似起楼咁，我起 5层嘅楼都唔同起 16层，大家做法唔同。以前做 电脑特技，好多都系借位，好假，但今次系要啲演员去配合啲特技，套戏都唔全部用晒特 技，咁样唔 work，实死，所以特技只系占 40%，其余都系现实，有啲特技仲做到唔觉系 系特技。」 华仔怕特技穿崩 王晶指这套戏「唔系几王晶」，华仔反问：「点样唔系几王晶先，我同佢合作过咁多戏， 有好多都唔系搞笑，我唔会咁睇罗，我觉得如果唔好笑同唔开心，做乜嘢要睇王晶先？呢 个系商业社会，有佢呢啲导演系好正常。」华仔表示此片是诚意之作，但要看观众能否接 受，他说：「其实都有压力 o架，始终科幻题材嘅戏都系比较踩钢线，但压力唔系来自票 房，票房系好睇个市场，仲有发行同运气，最有压力系怕会唔会俾人笑啲特技假罗。基本 上故事同演员都冇问题，我自己就觉得唔失礼，但结果都系要睇观众罗。」对於撞正属同 片种的《阿凡达》，华仔坦言：「都冇计，而且真系冇得咁比较，人哋同我哋制作费差咁 多，我哋只系尽量做到能力范量做到嘅嘢。」 http://ppt.cc/rfei 图:被喻为像牛般坚毅勤力的刘德华，却不愿剖白自己的感情世界。 http://ppt.cc/2v2O 图:华仔性情比较内敛，就算如何关心妻子，爱这个字也不易说出口。资料图片 http://ppt.cc/1lhu 图:被踢爆跟朱丽倩结婚，令华仔信誉备受质疑，他希望时间能证明一切。资料图片 http://ppt.cc/bUA4 图:刘德华侍双亲至孝，他表示会多抽时间陪伴他们。资料图片 http://ppt.cc/cdG6 图:王晶（右）跟华仔这对老拍档在电影圈合作无间，这趟故剑重逢。 《未来警察》上映日期： 2月25日 2010/01/10 香港苹果日报 --

※ 发信站: 批踢踢实业坊(ptt.cc) ◆ From: 203.73.23.98