世纪帝国二兮新资料片出代志！ 这斗按算欲开发兮新文明有五个，原底逐家拢臆讲是契丹 (Khit-tan；Qi-dun)、女真 (Lu2 -chin；Jörcen、党项 (Tong2-hang7；Mi-niah)...等等，十世纪至十三世纪兮文明。等到 消息正式公布彼工，众侬看着标仔写「三国」，拢掠准家己困抑袂精神。契丹、女真是抑阁 伫咧，党项兮城堡交特殊兵煞櫼予契丹，契丹泉变做四不像文明。其他兮是魏 (Gui7)、蜀 (Siok8)、吴 (Ngoo5)，雄雄走出来兮三国主题，全世界耍世纪兮拢总臆毋着，大反车。 毋但是三国主题夆料想袂到，三国兮奇观竟然阁毋是三国时代起兮：魏兮奇观是元魏时代起 兮嵩岳塔 (Siong-gak8-thah)、蜀兮奇观是成汉时代起兮武侯祠，吴兮奇观是朱元璋抑咧做 吴王时代起兮朝天宫。时代差遐济，予济济侬 洗开发团队，敢是拢无咧读册？呔会做这号 资料片？ 实在讲，这应当是共中国文明照地区拆开兮试验。若共黄河地区、长江水尾，交四川地区独 立做长期兮文明，应该是诚成功，予逐家熟似东亚大陆兮文明毋是干焦汉/中华一个，应该 是有济济地区个。确实嘛有侬支持共魏蜀吴三个文明改名，放弃三国时代设定。 这斗三国文明毋但时代伤过早，交一代兮巴弥拉 (Palmyrya；Tadmor) 兮时代相仝。阁有三 国英雄兮机制，完全交世纪帝国二传统无合，免讲嘛济济拍世纪兮袂爽阁不服。 契丹交女真嘛有问题。伫上新更新兮谢安战役内底，这两个文明竟然夆安排做苻坚 (Hu5-ki an)、姚苌 (Iau5-tiong5) 等角色兮文明，走毋着时代兮问题并三国阁较严重。 是讲世纪帝国二自一九九九年推出到今，已经二十六年矣。无合历史兮状况满满是，嘛拢沓 沓仔咧改善。这斗三国夆黜臭、批评，嘛代表电动社群兮历史智识有咧进步。另外，开始有 侬咧破除「汉文明」兮一元迷思，嘛是诚值得呵咾兮。 世纪帝国，阁战二十年！ --

※ 发信站: 批踢踢实业坊(ptt.cc), 来自: 42.79.89.149 (台湾) ※ 文章网址: https://webptt.com/cn.aspx?n=bbs/TW-language/M.1745211549.A.3D1.html